კომპანია „აქვა გეო“ 2009 წელს დაარსდა. დამფუძნებლებმა მიზნად დაისახეს ქართული უნიკალური მინერალური წყლის პოპულარიზაცია — როგორც საქართველოში, ისე მის საზღვრებს გარეთ.
კომპანია სრულად ქართულია, რაც გულისხმობს ქართული ოჯახების დასაქმებას, ქართული პროდუქტის წარმოებას და მის რეალიზაციას როგორც ადგილობრივ, ასევე საექსპორტო ბაზრებზე.
უნიკალური ბუნებრივი თვისებების მქონე ქართული წყალი ვაწარმოოთ მაღალი ტექნოლოგიების გამოყენებით და უცვლელი ხარისხით მივიტანოთ მომხმარებლამდე.
კომპანია მიზნად ისახავს მაღალი ხარისხის, არაგაზირებული, ბუნებრივი მინერალური წყლის წარმოება-ჩამოსხმას, რეალიზაციას და პოპულარიზაციას.
წყლის ჩამოსხმის საამქრო აღჭურვილია ევროპაში აღიარებული საუკეთესო ბრენდის ბოლო თაობის სრულად ავტომატიზირებული ხაზებით — როგორც მინის, ასევე PET ბოთლების შეფუთვისთვის.
ქარხანა გაშენებულია სოფელ მისაქციელში, თბილისთან ახლოს, 18,000 კვ.მ ტერიტორიაზე.
წყალი მოიპოვება 150 მეტრი სიღრმის ჭაბურღილებიდან. ორივე ჭაბურღილი მდებარეობს უშუალოდ წარმოების ტერიტორიაზე და მიწის წიაღიდან ამოსული წყალი უჟანგავი ლითონის მილებით მიეწოდება საამქროს.
ფილტრაციის უახლეს ტექნოლოგიურ სისტემას აკონტროლებს კომპიუტერი — წყალი არ გროვდება რეზერვუარებში, ის უწყვეტად მიეწოდება ჩამომსხმელ ხაზებს.
წყლის სტაბილურობა და ხარისხი დადასტურებულია წამყვანი ლაბორატორიების მიერ:
• ქართული — გამა
• გერმანული — Fresenius Institution
• ავსტრიული — Bio 4
პერსონალმა გაიარა სასწავლო კურსი ფრანგი და იტალიელი სპეციალისტების ხელმძღვანელობით.
მაღალი ხარისხი, საქართველოს მთებიდან მოპოვებული წყარო, ევროპული ტექნოლოგიური სტანდარტი. მზად ვართ მიგიტანოთ პირდაპირ თქვენს კარამდე.